පන්සල ලග සිටි යාචකයාට හැමදාම කෑම එකක් දුන් තරුණියට යාචකයා මියයන මොහොතේදී කල දේ
- Get link
- X
- Other Apps
මේ සිදුවීමට මුහුණ දුන්නේ අවුරුදු 22ක තරුණියක්. ඇය අහිංසක ධාර්මික විදිහට ජීවත් වෙන ගැහැණු ළමයෙක්. ඇය පදිංචි වෙලා හිටියේ බදුල්ලෙමයි.එදා පෝය දවසක්. ඇය අම්මත් එක්ක පාන්දරම පන්සලට ආවා සිල් සමාදන් වෙන්න. පන්සලේ එදා සිල් සමාදන් වෙන අය වෙනුවෙන් බත් මුල් දන්සලකුත් සංවිධානය කරලා තිබ්බා. සිල් පවත්වන වෙලාවට දන්සල පවත්වන්න දන්සලේ සංවිධායකයෝ කටයුතු කරලා තිබ්බා.
ඉතින් 6:30ට විතර සිල් පවත්වන්න පටන් ගත්තා. ඒත් එක්කම දන්සලත් ආරම්භ වුණා. අර කලින් කීව තරුණියටයි එයාගේ අම්මටයි බත් මුල් දෙකක් හම්බ වුණා. ඔවුන් බත් මුල් දෙකත් බෑග් එකේ දාගෙන පන්සලෙන් පිටත් වෙන්න හදද්දිම දැක්කා කකුලක් නැති යාචක මනුස්සයෙක් පන්සලේ ගේට්ටුව ළඟට වෙලා ඉදගෙන ඉන්නවා. මේ යාචකයා දැකපු තරුණියට ඔහු ගැන පොඩ්ඩක් දුක හිතුණා.
තරුණිය යාචකයා ළඟට ගිහිල්ලා ඇහුවා. "මාමේ ඔයා කාලාද ඉන්නේ?" යාචකයා අහිංසක විදිහට ඇස්වල කඳුළු පුරවන්, "නෑ දුවේ," කියලා උත්තර දුන්නා. තරුණිය යාචකයාගෙන් ඇහුවා, "ඇයි මාමේ අඬන්නේ?" කියලා. යාචකයා අඬන අතරේ තරුණියට මෙහෙම කිව්වා.
"මට කවදාවත් කවුරුත් මේ වෙනකම් මාමේ කියලා කතා කරලා නැහැ. දුව විතරයි මට මාමේ කියලා කතා කරේ. හැමෝම මට කතා කරන්නේ 'ඕයි තමුසේ හිඟාන හොරා' කියලා." යාචකයා ඇස්වල කඳුළු පුරවන් තරුණියට එහෙම කිව්වා.මේ කතාව අහලා තරුණියට හිතේ තමන් ගැනම ලොකු සතුටක් ඇති වුණා. ඇය බෑග් එකේ දාගෙන තිබ්බ බත් මුල් දෙකෙන් එකක් ඒ යාචකයා අත තැබුවා. යාචකයා අත් දෙක එකතු කරලා වැඳලා බත් එක අතට ගත්තා.
"මාමේ මාමා කොහෙද ඉන්නේ?" තරුණිය ඇහුවා. "මට ඉන්න තැනක් නැහැ දුවේ. මම කෑම වේලක් හොයාගන්න මේ ගම පුරාම ඇවිදිනවා. කෑම නම් හම්බ වෙන්නේ නැහැ. හැම කෙනාම රුපියල් 10, 20 අතර දීලා යනවා." යාචකයාගේ උත්තරය වුණා."මාමා හැමදාම මෙතන ඉන්නවා නම් මට පුළුවන් හැමදාම මාමට කෑම ගෙනත් දෙන්න. අපිත් මේ ළඟ පාතමයි ඉන්නේ." තරුණිය යාචකයාට කිව්වා.
තරුණියගේ වචන අහපු යාචකයා තව තවත් හැඟුම්බර වෙලා අඬන්න ගත්තා. "අනේ පුළුවන් නම් ලොකු පිනක් දුවේ."ඉන්පසුව යාචකයාට දුන් පොරොන්දුව හිතේ තියාගෙන තරුණිය තමා අම්මත් එක්ක යාචකයාට සමුදී පන්සලෙන් පිටත් වුණා. යන ගමන් අම්මට ඇය මෙහෙම කිව්වා: "අම්මේ මම එක බත් මුලක් අර මාමට දුන්නා. තව එකක් තියෙනවා, අම්මයි මමයි ඒක බෙදාගෙන කමු. මම අර මාමට හැමදාම කෑම එකක් ගෙනත් දෙන්න පොරොන්දු වුණා."
අම්මා තරුණිය මේ යාචකයාට බත් මුලක් දෙන්න හුරු වුණා. ඒත් එක දවසක් සම්පූර්ණයෙන්ම වෙනස් වුණා. එදා නොවැම්බර් 27 වෙනිදා. එදත් මේ තරුණිය බත් මුලක් බැඳගෙන උදේ 10ට විතර ගියා පන්සල ළඟට. ඒත් යාචකයා පේන්න හිටියේ නැහැ. ඇය පන්සල ඇතුලෙත්, පාරේ තියෙන කඩවල් වලත්, හැම තැනම හොයා හොයා හෙව්වා. ඒත් ඔහු පේන්න හිටියේ නැහැ. ඇය ගහක් යටට වෙලා 11 විතර වෙනකන් යාචකයා එනකන් බලන් හිටියා. ඒත් එදා ඔහු එන පාටක් තිබුණේ නැහැ. දැඩි සිත් තැවුලට පත් වුණු මේ තරුණිය බත් මුලත් අරන් ආපහු ගෙදර එන්න ගියා.
ඇය ඊළඟ දවසෙත් බත් මුලක් ඔතන් පන්සල ළඟට ගියත් යාචකයා එදාත් පේන්න හිටියේ නැහැ. ඔහොම දවස් පහක් විතර ගියා. ඒ එක දවසකවත් බත් මුල ගන්න යාචකයා පන්සල ළඟට ආවේ නැහැ. තරුණිය හිත හදාගත්තා. ඇය හිතුවා මාමා වෙන පැත්තකට යන්න ඇති කියලා. ඇය පන්සල ළඟට යන ගමන නවත්තලා දැම්මා
ඒත් එදා දවල් සිදු වුණේ ඇය හීනෙකින්වත් නොහිතපු දෙයක්. මේ තරුණියගේ නිවස හොයාගෙන එක් නීතිඥ මහත්තයෙක් ආවා. ඇවිත් තරුණියව මුණ ගැහිලා කියපු දේ නිසා ඇයට ඇඬිල්ල නවත්ත ගන්න බැරි වුණා. නොවැම්බර් 27 වෙනිදා උදේ 9:30ට විතර මේ යාචකයා තරුණිය ගෙනෙන බත් මුල ගන්න පන්සල පැත්තට ගිහිල්ලා. එන ගමන් ඉද්දී කිහිලිකරුව කකුලේ පැටලිලා පාරේ වැටිලා. ඒ වෙලාවේ ඔහු පස්සෙන් ආවේ ඒ ආසන්නයෙන් තිබුණු පෙට්රල් ෂෙඩ් එකට පෙට්රල් ගේන පෙට්රල් බවුසරයක්. මුළු ටවුමම කම්පාවට පත් කරමින් පාරේ ඇද වැටුණු යාචකයාගේ ඇඟේ පෙට්රල් බවුසරය වැදුණා.
ඔහුගේ වෙලාවට ඔහුගේ අතකට විතරයි තුවාල සිදුවුණේ. ඉතින් ඒ වෙලාවේ මේ යාචකයාට සිහි නැති වුණා. ටවුමේ හිටපු සෙනඟ එකතු වෙලා යාචකයාව ඉක්මනින් හොස්පිට්ල් එකට ගෙනිච්චා. ඒත් ඒ වෙද්දී ඔහු අවසන් ගමන් ගිහින් තිබුණා. ඒ පෙට්රල් බවුසරය වැදුණු නිසා නොවෙයි, බවුසරය වැදුණු වෙලාවේ ඔහුට ඇතිවුණු බයට වගේ.ඒ පෙට්රල් බවුසරේ වැදුණු නිසා නොවෙයි. බවුසරේ වැදුණු වෙලාවේ ඔහුට ඇතිවුණු බයට වගේම කම්පනය නිසා ඔහුට ඒ වෙලාවේ පපුවේ අමාරුවක් හැදුනා. ඒ වේදනාවෙන්මයි ඔහු ඒ වෙලාවේ අවසන් ගමන් ගිහින් තියෙන්නේ. මේ කතාව අහපු තරුණිය අඬන්න ගත්තා. ඇයට සෑහෙන්න දුකක් ඇතිවුනා.
නීතිඥයා ආයෙත් කතා කළා. ඔහු ලියවිල්ලක් තරුණියට පෙන්නුවා. "ඒක කියවලා බලන්න" කියලා නීතිඥයා තරුණියට කිව්වා. ඉන්පසුව ඒක කියවපු තරුණියගේ ඇස් තෙත් වුණා. ඒ තිබුනේ යාචකයාගේ අවසන් කැමැත්ත ලියපු කොළේ. ඔහු එදා ඉඳන් හිඟා කාලා හම්බ කරපු හැම සතයක්ම ඔහුගේ ගිණුමේ ඉතුරු කරලා තිබුණා..
"කාත් කවුරුවත් නැති මට තාත්තෙක්ට වගේ සැලකපු මේ දුවට මගේ නමින් ඇති ගිණුමේ තියෙන මුදල් මා මියගිය පසු අයිතිවන බව මම මගෙන් දිවුරා ප්රකාශ කරමි." යනුවෙන් ඔහුගේ අවසන් කැමැත්තේ සඳහන් වෙලා තිබුණා.
මේක තරුණියට වගේම ඇගේ අම්මටත් හීනයක් වගේ වුණා. රුපියලක දෙයක්වත් තරුණිය ඒ යාචකයාගෙන් බලාපොරොත්තු නොවී කරපු උදව් වලට යාචකයා කෙළෙහිගුණ සැලකපු හැටි ගැන ඔයාලට මොකද හිතෙන්නේ?
- Get link
- X
- Other Apps

Comments
Post a Comment