තරුණිය හඩමින් නිවසට පැමිණ කියූ දෙයින් කාගේත් කකුල් වෙව්ලන්න පටන් ගත්තා
- Get link
- X
- Other Apps
මීට වසර පහකට පමණ සිදුවු මහත් ආන්දෝලනාත්මක සිදුවීමක් ඇසුරින් සැකයට භාජනය වූ සිදුවීමක්. ඇය ඉතාමත් සුන්දර වූ, 21 වියේ පසුවූත් හුරුබුහුටි තරුණියක්.
පවුලේ සාමාජිකයින් වශයෙන් මව්පියන් දෙදෙනා ඇතුළු සහෝදරයා සමඟ සාමාජිකයින් හතර දෙනෙක්.වැඩිදුර අධ්යාපනය නොලැබූ ඇය තම මව්පියන්ගේ ආර්ථික දුෂ්කරතා බැහැර කිරීම සඳහා රැකියාවක් කිරීමට අදහස් කළත්, සුදුසු රැකියාවකට ඇයගේ අධ්යාපන මට්ටම හරස් වෙනවා.
කෙසේ හෝ නිවසට ආසන්නයේ ලංකාවේ ඉතා ප්රසිද්ධ ඇඟලුම් ආයතනයක සේවිකාවක හැටියට ඇයට රැකියාවක් ලැබෙනවා. ලද දෙයින් සෑහීමකට පත්ව ඇය නිවසේ සිට දිනපතා රැකියාවට ගියේ කර්මාන්ත ශාලාවෙන්ම සේවිකාවන් ප්රවාහනය කරන බස් රථයකින්.මාසයකට දෙවරක් සේවා මාරු ක්රමයට තම රාජකාරිය ඉටු කළ අතර, එම සේවා වාර දෙකට අයත් වූයේ රාත්රී දින 15ක් සහ දවල් දින 15ක් සමගින්. සෑම දිනකම ඇඟලුම් කර්මාන්ත ශාලාවේ බස් රථය වේලාවට පැමිණෙන අතර, සේවා වාරය අවසන් වී රාත්රී කාලයේදී තම නිවස ළඟින්ම බැසීමට සිරිතක් වුණා.
ඇයට පමණක් නොව ඇගේ සමීපතම සේවිකාවන්ටද එම සේවාව ඒ අයුරින්ම සිදු වුණා.පළමු දින 15 උදෑසන සේවය ආරම්භ වී අවසන් වන්නේ සවස හතරටයි. ඇය නිවස කරා පැමිණෙන විට සවස 4:30 පසුවෙනවා. තම දියණිය ඇඟලුම් කර්මාන්ත ප්රවාහන බස් රථයෙන්ම පැමිණෙන නිසා එය අස්වැසිල්ලක් වන්නට තිබුණා. මෙසේ ඇය සේවයට ගොස් මාස තුනක් පමණ ගත වුණා. තමන්ගේ ආර්ථිකයත්, මව්පියන්ගේ ආර්ථිකයේ අඟහිඟකම් පියවීමට ඇයට හැකි වීම ගැන සතුටු වන්නට ඇති.දවසක් තමන්ගේ සේවා වාරය අවසන් වී ඇඟලුම් කර්මාන්ත ප්රවාහන බස් රථයෙන් නිවස බලා පැමිණි ඇයට බස් රථයෙන් බැස ගන්නට නතර කළා.
බස් රථයේ පිටුපස දොරින් බැස, පිටුපසින්ම තමන්ගේ නිවසට යාම සඳහා දකුණු පසට මාරු වීමට පියමන් කරවත් සමගම, තමන්ට ප්රතිවිරුද්ධ දිශාවෙන් කළු ගල් පටවගෙන එන ලද විශාල ට්රක් රථයක් ඇයව යටවන අතර එම අනතුරින් ඇය ජීවිතක්ෂයට පත්වෙනවා.
එය සිදුවූයේ නිවසට ගොඩවන්නට තත්පර කීපයක් තිබියදී. ඇයගේ හුස්ම පොද වාතලයට මුසුව ඇතත්, අසල්වාසීන් විසින් ඇයව ප්රදේශයේ රෝහල වෙත ගෙන යාමට යුහුසුළුව කටයුතු කළා. කෙසේ වෙතත් එය ප්රාදේශීය රෝහලක් බැවින්, ඒ අවස්ථාවේදී ඇයව අගනුවර ජාතික රෝහල වෙත යැවීමට ප්රාදේශීය රෝහල් කණ්ඩායම පියවර ගන්නවා.
ඒ කෙසේ වෙතත් ඇගේ තරුණ ජීවිතය අවසන් වී ඇති බැවින්, ඇයගේ මෘත ශරීරය ඊට පසු වදාම නිවසට ගෙනවිත් ආදාහන කටයුතු සිදු කරන තෙක් අවසන් ගෞරවය සඳහා තබනු ලැබනවා. කොහොම නමුත් ඇය ජීවත්ව සිටි ගම අසලට අගනගරයේ සිට එන බස් අතරින් එදින රාත්රියේ එන අන්තිම බස් රථයත් ඒ වෙනකොට පිටත්ව තිබුණා.
කුලී ත්රිරෝද රථ තම නිවෙස් කරා යන්නේ අවසන් බස් රථයේ පැමිණෙන මගීන්ටද සේවාව ලබා දීමෙන් පසුව වන අතර එදින රාත්රී 10 පසු වී මිනිත්තු ගණනක් ගෙවී තිබෙනවා. ළඟම බස් රථය නිහඬියාව බිඳමින් තිරිංග තද කළ අතර රථය නැවැත්වූවා. මගීන් තුන් දෙනෙකු බස් රථයෙන් බැස ගත්තා. එම මගීන් තිදෙනා පුරුෂ පක්ෂයේ දෙදෙනෙක්ද, ස්ත්රී පක්ෂයේ එක් අයෙක්ද වෙනවා.
පිරිමි මගීන් දෙදෙනා රැගෙන යාම සඳහා යතුරුපැදි දෙකක් සමඟ ඔවුන්ගේ ඥාතීන් වන අය පැමිණ සිටි අතර එම මගීන් දෙදෙනා රැගෙන යාමට එම යතුරුපැදි දෙකම නොපෙනී ගියා.බස් රථයෙන් බහින තැන සිටින්නේ ඇත්තේ අනෙක් මගී කාන්තාව සහ ත්රිරෝද රථ රියදුරා පමණයි. ඇය මාර්ගයේ එහා පැත්තේ සිට ඇවිත් ඔහුගේ ත්රිරෝද රථයට ගොඩ වුණා. පෙර දිනවලද ඇයව කිහිප වතාවක් තමන්ගේ රථයෙන් නිවසට යාම සඳහා සේවය සැලසූ බව ඔහුට මතකයි. එම නිසා ගමනාන්තය විමසීමට අවශ්ය නොවූයෙන් රථය පණගන්වා ගමන ආරම්භ කිරීමෙන් පසු නිවසට යනතුරු ඇයගෙන් වරින් වර ඉකිබිඳින ශබ්දය ඇසුනත්, ඒ ගැන විමසීමට තරම් ඔහුට ඒ අවස්ථාවේ ආත්ම ශක්තියක් නොතිබෙන්නට ඇති.
ගමනාන්තය කරා ළඟා වුණා. ඇගේ නිවස අසල විදුලි බල්බ ආලෝක වී තිබුණා. මදක් විමසිලිමත් වූ ඔහුට දැකගත හැකි වූයේ මාර්ගයේ ඉහළ සුදු පැහැති පාංශුකූල ධජ සහ පාර දෙපස සුදු කොඩි දමා ඇති අයුරින්. විශාල ජනකායක් එක් රැස්ව සිටීමයි. ඒ නිසාවෙන් නිවසට මදක් දුරින් රථය නවතා ඇයට බසින්නට රියදුරු ඉඩ සැලසුවා. ඔහු ගමනේ කුලිය බලාපොරොත්තුවෙන් සිටියත් ඒ ගැන වචනයක් කතා නොකර ඇය රථයෙන් බැස, රථයට පිටුපා නිවස දෙසට ගමන් කළා.එවිට ඔහු දැක ඇත්තේ තම ත්රිරෝද රථයෙන් බැසගත් තරුණිය මුහුණ වසාගත් සේලයකින් සැරසී දෙපතුල දක්වා සුදුවතින් යුතු ඇඟලුමක් ලා සිටි බවයි.
විදුලි ආලෝකය අතරින් නිවසේ වත්තට ඇතුළුවන ප්රධාන පිවිසුම් අසලට ගිය පසු ඇය මීදුමක් සේ නොපෙනී අතුරුදහන් වී තිබෙනව "අනිච්චාවත සංඛාරා - තරුණ දියණියට නිවන් සැප ලැබේවා!" යි ඇය අතුරුදහන් වූ තැනින් ඉහළින් එල්ලා තිබුණා. මේ ගැන සැකයක් පහළ වූ ඔහු වටපිට කතා කරමින් සිටින කිහිප දෙනෙකුගෙන් විමසීමෙන් පසු, උපදවාගත් සැකය මත නිවස තුළට ගොස් විපරම් කිරීමෙන් පසු දැකගන්නට ලැබී ඇත්තේ තම රථයෙන් පැමිණි ඇය දිනකට ඉහතදී තම නිවස අසලදී රිය අනතුරකට භාජනය වී මියගිය තරුණියක් බවයි. මේ ලංකාවේ එක්තරා ප්රදේශයක සිදුවුණු ඛේදනීය සිදුවීමක්.
- Get link
- X
- Other Apps

Comments
Post a Comment