AI වලින් 80 දශකයට ගිය කාන්තාවටඅවුරුදු 45කට පස්සේ හෙළිවුණු අමුතුම හො, රකම
- Get link
- X
- Other Apps
මීට අවුරුදු 45කට කලින්, ඒ කියන්නේ අසූ ගණන්වලදී ඉන්දියාවේ උජ්ජයින් (Ujjain) නගරයේ ජනාකීර්ණ රත්තරන් බඩු කඩයක අමුතුම සිදුවීමක් වුණා. තරුණ ගැහැණු ළමයෙක් කඩේ මුදලාලිගේ ඇසට වැලි ගසා ඉතාම වටිනා රත්තරන් මාලයක් හොරකම් කරලා එතැනින් අතුරුදහන් වුණා.
පොලිසිය කොච්චර සෙව්වත් ඇය ගැන කිසිම හෝඩුවාවක් සොයාගන්න ලැබුණේ නැහැ. කාලයත් එක්කම ඒ පරීක්ෂණ යටගිහින්, කේස් එකත් වැහී ගියා. හොරකම කරපු ඇය තමන්ගේ නම, ගම්රටවල් විතරක් නෙවෙයි, ජීවත් වුණු සමස්ත පරිසරයම වෙනස් කරගෙන සම්පූර්ණයෙන්ම වෙනස්ම කෙනෙක් විදිහට සමාජයේ ජීවත් වෙන්න පටන් ගත්තා.
දශක හතරකටත් වඩා කාලයක් තිස්සේ ඇය මේ රහස ඉතාම සුරක්ෂිතව හංගගෙන හිටියා. හැබැයි මෑතකදී ලෝකය පුරා ජනප්රිය වුණු AI (Artificial Intelligence) තාක්ෂණය ඇගේ ජීවිතයට සෙල්ලම් කළා.
ඇයට හිතුණා තමන්ගේ තරුණ කාලයේ මතකයන් ආයෙත් අලුත් කරගන්න. ඇය modern AI photo tool එකක් භාවිත කරලා, 80 දශකයේ retro fashion එකට අනුව තමන්ගේ පරණ පෙනුම තියෙන ඡායාරූපයක් නිර්මාණය කරගත්තා. තමන්ගේ අතීත රූපයට පෙම් බැඳපු ඇය, කිසිම බයක් නැතුව මේ AI ඡායාරූපය තමන්ගේ සෝෂල් මීඩියා ගිණුමක පෝස්ට් කළා.
ඒත් ඇය හීනෙකින්වත් හිතන්නේ නැතුව ඇති ඒ එක ඡායාරූපයක් ඇගේ මුළු ජීවිතයම උඩුයටිකුරු කරයි කියලා!
අර පරණ රත්තරන් බඩු කඩේ හිමිකරුගේ පවුලේ අයගේ ඇසට මේ සෝෂල් මීඩියා පෝස්ට් එක අහම්බෙන් අහුවුණා. අවුරුදු 45කට කලින් තමන්ගේ කඩෙන් මාලය හොරකම් කරපු ඒ තරුණ කෙල්ලගේ රූපය ඔවුන්ගේ මතකයේ හොඳටම සටහන් වෙලා තිබුණා. AI එකෙන් හදපු ඒ retro රූපය දැක්ක ගමන්ම, "මේ අර හොර ගෑනු ළමයා නේද?" කියලා අඳුරගන්න ඔවුන්ට වැඩි වෙලාවක් ගියේ නැහැ.
ආසාවට, මතකයන් අලුත් කරගන්න කියලා දාපු එක ඡායාරූපයකින් අවුරුදු 45ක් තිස්සේ හංගගෙන හිටපු ලොකුම රහස මුළු ලෝකයටම එළිවුණා. අවසානයේදී පොලිසිය හරහා පරීක්ෂණ නැවත ආරම්භ වී, දශක හතරකට පස්සේ ඇගේ හොරකම තහවුරු වුණා.
කාලය කියන්නේ කාටවත් සමාවක් දෙන දෙයක් නෙවෙයි. විශේෂයෙන්ම තමන්ගේම අතීත වැරදි අමතක කරලා, තාක්ෂණය එක්ක අනවශ්ය සෙල්ලම් දාන්න යන අයට නම් කාලය සූදානම් කරන්නේ හිතාගන්නවත් බැරි උගුලක්. 80 දශකයේ සුන්දර මතකයන් අතරට ආපහු යන්න හදපු ඒ ගැහැණු කෙනාට අන්තිමට වුණේ තමන්ම හදාගත්තු තාක්ෂණික උගුලකට අහුවෙලා අමාරුවේ වැටෙන්නයි.
උපුටාගැනීමකි. මෙය ගෙතූ කතාවක්ද ප්රබන්දයක්ද මෙහි ඇත්ත නැත්ත අප නොදනී කෙසේ නමුත් සමාජ මාද්ය බාවිතයෙදි සියලුදෙනාම මිට වැඩිය කල්පනා කාරි වියයුතු බව මෙයින් පැහැදිලි වෙයි. කෙසේ නමුත් මෙය සියලුම දෙනාට සමාජ මාද්ය බාවිතයෙදි සැලකිලිමත් වියයුතු බව පසක්කර දෙයි.
- Get link
- X
- Other Apps

Comments
Post a Comment