අපි සතපහක් දෙන්නේ නැහැ පුළුවන් දෙයක් කරන්න කියලා ඔවුන් මේ තරුණයට විහිලු කළා..
- Get link
- X
- Other Apps
ඔන්න යාළුවනේ, අද මම ඔයාලට කියන්න යන්නේ පාරිභෝගිකයා කියන්නේ රජෙක් කියන කතාව ලෝකෙටම ඔප්පු කරපු, ඇඟ හිරිවැටෙන තරම් සුපිරි පලිගැනීමක් ගැන කතාවක්.
කතාව පටන් ගන්නේ 2008 අවුරුද්දේ. අද වගේම එදත් ලෝක ප්රකට ගුවන් සමාගමක් වුණු United Airlines එකේ අතපසුවීමක් කොහොමද ලෝක ඉතිහාසයේ ලොකුම PR Disaster එකක් වුණේ කියලා බලමුද..?
ඩේව් කැරොල් කියන්නේ කැනේඩියානු ජාතික ගායකයෙක්. එයා Sons of Maxwell කියන සංගීත කණ්ඩායමේ සාමාජිකයෙක්. 2008 මාර්තු මාසයේ දවසක ඩේව් සහ එයාගේ කණ්ඩායම චිකාගෝ හරහා නෙබ්රස්කා බලා යන්න United Airlines යානයකට ගොඩ වුණා.
ඩේව් ළඟ තිබුණා එයා පණ වගේ ආදරේ කරන Taylor Guitar වර්ගයේ ගිටාර් එකක්. මේක ඩොලර් 3,500ක් විතර වටිනා, එයාගේ වෘත්තීය ජීවිතයේ හොඳම යාළුවා.යානය චිකාගෝ වල O'Hare ගුවන් තොටුපළේ නවත්තලා තියෙද්දී, යානය ඇතුළේ හිටපු මගියෙක් කෑගැහුවා, අර බලන්න එළියේ බඩු පටවන අය ගිටාර් පෙට්ටි විසි කරනවා කියලා.
ඩේව් ජනේලයෙන් එබිලා බලද්දී එයා දැක්ක දේ පපුව පැලිලා යන තරම් දරුණුයි. ගුවන් තොටුපළේ සේවකයෝ ඩේව්ගේ ගිටාර් එක නිකම් කුණු මල්ලක් වගේ අහසට විසි කරලා බිමට අතාරිනවා ඩේව් එතැන හිටපු සේවකයින්ට කොච්චර කිව්වත් වැඩක් වුණේ නැහැ, උන් හිනා වෙවී තමන්ගේ වැඩේ කළා.
නෙබ්රස්කා වලට ගිහින් ගිටාර් පෙට්ටිය ඇරලා බලද්දී ඩේව්ගේ පපුව පිච්චිලා ගියා... ගිටාර් එකේ බෙල්ල කැඩිලා, ඒක සම්පූර්ණයෙන්ම විනාශ වෙලා.දැන් තමයි නියම සෙල්ලම පටන් ගන්නේ. ඩේව් මාස 9ක් තිස්සේ United Airlines එකේ පස්සෙන් ගියා මේකට වන්දි ඉල්ලලා. එයා හැමෝටම කතා කළා, ඊමේල් යැව්වා, බැගෑපත් වුණා. හැබැයි ඒ හැම වෙලාවකම උඩඟු නිලධාරීන්ගෙන් ලැබුණේ
ඔයා පැමිණිල්ල දාන්න පරක්කු වැඩියි. අපි මේකට රුපියලක්වත් ගෙවන්නේ නැහැ කියලා විතරයි,අන්තිම වතාවට මිස් ඉරල් කියන නිලධාරිනියට කතා කරපු ඩේව් මෙහෙම කිව්වා. ඔයාලා මට වන්දි ගෙවන්නේ නැත්නම්, මම මේ ගැන සිංදු 3ක් හදලා YouTube එකට දානවා. ලෝකයම දැනගනීවි ඔයාලා කරන දේ...
ගුවන් සමාගමේ අය හිනා වුණා. සිංදුවක්.. කවුද මේවා බලන්නේ.. කියලා ඒ අය ඔහුට හිනා වුනා.ඩේව් ගෙදර ගියා. එයා තමන්ගේ නිර්මාණශීලීත්වය පාවිච්චි කළා. එයා ඉතාමත් හාස්යජනක, හැබැයි හදවතට වදින සිංදුවක් ලිව්වා. ඒකේ නම United Breaks Guitars.ඩොලර් 150ක වගේ පොඩි වියදමකින් යාළුවොත් එක්ක එකතු වෙලා මේකට වීඩියෝ එකක් කළා. 2009 ජූලි 6 වෙනිදා මේක YouTube එකට දැම්මා.
ඊළඟට වුණේ හිතාගන්න බැරි දෙයක් පළමු පැය 24 ඇතුලත මේ වීඩියෝව නරඹපු පිරිස 150,000 පන්නලා.. දින 3ක් ඇතුළත මිලියන 1ක් නරඹලා සති කිහිපයකින් මිලියන 10කට වඩා නරඹලා... අද වෙද්දී මේ ගීතයේ නැරඹුම්වාර මිලියන 30 පැනලා..මුළු ලෝකයම මේ සිංදුව වැළඳගත්තා. හැමෝම කිව්වේ අන්න නියම වැඩේ United Airlines එකට කියලා. මොකද හැම පාරිභෝගිකයෙක්ම කවදා හරි මේ වගේ අසාධාරණයකට ලක් වෙලා තිබුණා. ඔවුන් ඒ ගැන කමෙන්ට් වලින් ලියන්න පටන් ගත්තා..
මේ සිංදුව ප්රසිද්ධ වෙන්න පටන් ගත්තා විතරයි, United Airlines සමාගමේ කොටස් වෙළඳපොළ අගය (Stock Value) වේගයෙන් පහළ යන්න ගත්තා. ආයෝජකයෝ බය වුණා.දවස් 4ක් ඇතුළත United Airlines සමාගමේ කොටස් අගය 10%කින් වැටුණා. ඒ කියන්නේ ඒ සමාගමට අහිමි වුණු මුදල ඩොලර් මිලියන 180ක්
ඩොලර් 3500 ක ගිටාර් එකක් හදලා දෙන්න ලෝබ වුණු සමාගමට, ඩොලර් මිලියන 180ක් පූජා කරන්න වුණා තමන්ගේ අහංකාරකම නිසා.දැන් United Airlines එක ඩේව් පස්සෙන් එනවා. "අනේ ඩේව්, අපිට සමා වෙන්න. අපි ඔයාට සල්ලි දෙන්නම්, වන්දියකුත් දෙන්නම්, නිකන් ගුවන් ගමන් පහසුකම් දෙන්නම්. ඔය වීඩියෝ එක අයින් කරන්න" කියලා උන් වැඳ වැටුණා...
ඩේව් කිව්වේ මොකක්ද දන්නවද..?
"දැන් වැඩේ ඉවරයි. මට ඕන දේ මම කරගත්තා. ඔය සල්ලි පුණ්ය කටයුත්තකට දෙන්න. මම වීඩියෝ එක අයින් කරන්න නැහැ.."
අන්තිමේදී Taylor Guitar සමාගම ඩේව්ට අලුත්ම ගිටාර් දෙකක් තෑගි කළා. ඩේව් අද ලෝක ප්රකට දේශකයෙක් (Customer Service Speaker) බවට පත් වෙලා ඉන්නවා. එයා ලියපු පොත United Breaks Guitars අදටත් ව්යාපාරික ලෝකයේ පෙළපොතක් වගේ පාවිච්චි කරනවා
උපුටා ගැනීමක්..
- Get link
- X
- Other Apps

Comments
Post a Comment