බැල්ලියක් මුහුණදුන් අදහාගත නොහැකි සිදුවීම මෙන්න
අපට සිතා ගැනීමටවත් අපහසු ඇතැම් සිදුවීම් සත්ත්ව ලෝකය තුළ දක්නට ලැබෙන අතර තාක්ෂණය දියුණු වීමත් සමඟ මිනිසාට පෙර නොවූ විරූ එවැනි අපූර්ව සිදුවීම් දැක බලා ගැනීමේ හැකියාවද අද ලැබී තිබෙනවා.
අපට සිතා ගැනීමටවත් අපහසු ඇතැම් සිදුවීම් සත්ත්ව ලෝකය තුළ දක්නට ලැබෙන අතර තාක්ෂණය දියුණු වීමත් සමඟ මිනිසාට පෙර නොවූ විරූ එවැනි අපූර්ව සිදුවීම් දැක බලා ගැනීමේ හැකියාවද අද ලැබී තිබෙනවා.
මෙවැනි අමුතුම ආකාරයේ සත්තුන්ගේ හැසිරීමක් ගැන පුවතක් මීට කලකට ඉහත වාර්තා වී තිබුණේ අතුරුගිරිය ඔරුවල පාරේ නිවසකිනි. එදින හවස් යාමයේ රෑ බෝවීගෙන එන විට නිවසේ පිටුපස දෙසින් ඔවුන්ට ඇසී ඇත්තේ නිවසේ සුරතලයට ඇති කරන බල්ලියගේ අමුතු කෙඳිරිලි හඬකි. කෙඳිරිලි හඬ අඩු නොවන තැන නිවැසියන් නිවස පිටුපසට යන විට ඔවුන් දැක ඇත්තේ ඇස් අදහාගත නොහැකි අරුම පුදුම දේකි.
ඒ වන විට නිවසේ ඇති කරන සුරතල් බල්ලිය විශාල නාගයෙකු විසින් වෙලාගෙන සිට ඇති අතර උගේ විශාල පෙණය බල්ලියගේ මුහුණ මත හොවාගෙන සිට තිබෙනවා. වහාම ක්රියාත්මක වූ නිවැසියන් අහල පහල උදවියගේද උදව් ඇතිව නාගයාව පළවා හැරීමට උත්සාහ ගෙන ඇති අතර එවිට බල්ලියව ග්රහණයෙන් මුදවා නාගයා අසල කැලයට නොපෙනී ගොස් තිබෙනවා. පසුව ග්රහණයෙන් මිදුණු බල්ලිය නැගී සිටීමට උත්සාහ කළද බීමත් මිනිසෙකු මෙන් වැනිවැනි ගොස් බිම වැටී තිබෙනවා.
අනතුරුව බල්ලියව පශු වෛද්යවරයෙකු වෙත ගෙන ගිය නිවැසියන්ට අසන්නට ලැබුණේද සිතා ගැනීමට අපහසු කරුණකි. එනම් බල්ලාට නාගයා දෂ්ට කර නොතිබුණු අතර මුහුණ මත පෙණය තබාගෙන සිටීම නිසා දළ වලින් වැටුණු විෂ යම් ප්රමාණයක් බල්ලියගේ ඇසෙහි ගෑවී තිබෙනවා. ඉන් බල්ලාගේ ඇසට යම් තාවකාලික හානියක් පමණක් සිදුවී තිබෙනවා.
බොහෝ වේලාවක් තදින් වෙලාගෙන සිටීම නිසා බල්ලාට ඇතිවුණු යම් අපහසුතාවයක් නිසා මෙසේ ඇද වැටෙන්නට ඇති බව පැවසූ අතර පසුව සේලයින් දුන් පසු නැවතත් සුපුරුදු පරිදි සුරතල් බල්ලිය නිවැසියන් සමඟ නිවසට ගොස් තිබෙනවා. මේ අරුම පුදුම නාග ප්රේමය නැවත පැමිණිය හැකි බැවින් බල්ලියව ප්රවේශම් කරගන්නා ලෙසද නිවැසියන්ට වෛද්යවරයා පවසා තිබෙනවා.
Comments
Post a Comment