මේක කරොත් මහන්සිවෙලා මකුලුදැල් කඩන්න ඕනෙ නෑ!
- Get link
- X
- Other Apps
අපේ ගෙවල් වල නිතරම වදදෙන මකුළුවෝ, කැරපොත්තෝ සහ හූනන් වගේ සත්තු ඉවත් කරලා ගෙදරක් පිරිසිදුව තබාගන්න පුළුවන් ඉතාම පහසුවෙන් ගෙදරදිම කරන්න පුළුවන් අති සාර්ථක ක්රම කිහිපයක් ගැන තමයි අද අපි කතා කරන්න යන්නේ
මේ ස්ප්රේ එක නිවැරදිව හදාගන්න ඔබට අවශ්ය වෙන්නේ කපුරු බෝල 5-6ක්, සුදු විනාකිරි කෝප්ප 1ක්, පිරිසිදු වතුර කෝප්ප 1ක් සහ ද්රාවණය හොඳින් මිශ්ර කරගැනීමට බඳුනක් විතරයි.
සාදාගන්නා ආකාරයකපුරු පෙති ටික හොඳින් කුඩු කරගෙන විනාකිරි කෝප්පයකට ඒ කපුරු කුඩු ටික දාලා හොඳින් දියවෙන තෙක් හැඳි ගා ගන්න. කපුරු කුඩු ටික විනාකිරි එක්ක හොඳට මිශ්ර වුනාට පස්සේ වතුර කෝප්පයක් ඒකට එකතු කරගන්න. දැන් මේ ද්රාවණය හොඳින් හොල්ලලා ස්ප්රේ බෝතලයකට පුරවගන්න ඕනේ.
මේ මිශ්රණය භාවිතා කිරීමට පෙර සැලකිය යුතු ආරක්ෂක පියවර කිහිපයක්කපුරු සහ විනාකිරි වල සැර ගතිය නිසා ඇස් සහ නාසයේ දැවිල්ල හටගන්න පුළුවන්. ඒක නිසා මේ මිශ්රණය හදනකොට සහ ස්ප්රේ කරනකොට මුහුණට මාස්ක් එකක් සහ ඇස් වලට ආරක්ෂක කණ්ණාඩියක් පළඳින්න. කුඩා ළමයින්ගෙන් සහ සුරතල් සතුන්ගෙන් මේ මිශ්රණය ඈත් කරලා තියාගන්න. ඒ වගේම ඇලුමිනියම්, මාබල් හෝ ග්රැනයිට් කුස්න මතට විනාකිරි වැටුනොත් ඒවගේ පැහැය වෙනස් වෙන්න හෝ පෘෂ්ඨය පළුදු වෙන්න පුළුවන්. ඒක නිසා පරිස්සමෙන් භාවිතා කරන්න.
භාවිතා කරන ආකාරයමුලින්ම නිවසේ තියෙන මකුළු දැල් කඩලා අයින් කරගන්න ඕනේ. ඉතින් ඊට පස්සේ ඔබ මකුළු දැල් කඩන්න ගන්න කෝස්සට හෝ රෙදි කෑල්ලට මේ ස්ප්රේ එකෙන් මදක් ස්ප්රේ කරගන්න. ඊට පස්සේ දෙවන වරට ලාවට මකුළු දැල් බැඳෙන ස්ථාන වල, ඒ කියන්නේ බිත්ති මුළු, සිවිලිමේ අයින, දොර සහ ජනෙල් රාමු මත ඒ කෝස්ස හෝ රෙදි කෑල්ල ලාවට ගාන්න. කෙලින්ම සුළඟට ස්ප්රේ කරනවට වඩා මෙසේ කිරීමෙන් මිශ්රණය නාස්ති නොවී නියමිත ස්ථාන වල දිගු කාලයක් රැඳෙනවා.
මෙමගින් මකුළුවන්, කැරපොත්තන් සහ හූනන් ඉවත් වී නිවස පිරිසිදු වෙන අයුරු අපි විද්යාත්මකව බලමු.විනාකිරි වල තියෙන ඇසිටික් ඇසිඩ් මගින් සැර ආම්ලික ස්වභාවයක් සහ තද සැර ගතියක් ඇති වෙනවා. එතකොට කපුරු වල තියෙන කැම්ෆෝ කියන රසායනික සංයෝගය මගින් ඉතා තද සුවඳක් සහ වාෂ්පශීලී ස්වභාවයක් ලබා දෙනවා. මකුළුවෝ, කැරපොත්තෝ සහ හූනන් වගේ සත්තුන්ගේ ශරීරයේ තියෙන සංවේදී සංවේදක පද්ධතියට සහ ශ්වසන පද්ධතියට මේ තද ආම්ලික සහ කපුරු ගඳ දරාගන්න බැහැ. ප්රධාන වශයෙන්ම මකුළුවන්ගේ කකුල් වල තියෙන රස ස්වේදක වලට සහ හූනන්ගේ නාසයට මේ ගඳ වදිනකොට උන් ප්රදේශයෙන් පලා යනවා.ඒ වගේම මකුළුවන් විසින් තබන් රසායනික සලකුණු විනාශ වෙන නිසා උන් නැවත ඒ ස්ථානයට එන්නේ නැහැ.
කපුරු සහ විනාකිරි ඉක්මනින් වාශ්ප වෙන නිසා උපරිම මාසයක කාලයක් වගේ තමයි මේක සක්රීයව පවතින්නේ. සාමාන්යයෙන් නිවස ඇතුලේ පවතින වාතාශ්රය සහ උෂ්ණත්වය අනුව මෙය සති තුනේ සිට මාස එකහමාරක් දක්වා කාලයක් සක්රීයව පවතින්නත් ඉඩකඩක් තියෙනවා. ඒත් එක්කලා හොඳම ප්රතිඵලයක් ලබා ගන්න නම් මාසයකට වරක් මේ ආකාරයටම ස්ප්රේ එක භාවිතා කරන්න වෙනවා.
වතුරෙන් තැම්බූ දුම්කොළ ජලය ස්ප්රේ මිශ්රණය. දුම්කොළ කියලා කියන්නේ අතීතයේ ඉඳන්ම ග්රාමීය ප්රදේශවල පළිබෝධකයන් සහ විවිධ කෘමීන් පලවා හරින්න භාවිතා කරපු ඉතාමත් සාර්ථක ස්වභාවික උසුදුමක්. මේ මිශ්රණය නිවැරදිව හදාගන්න ඔබට වියළි දුම්කොළ දෙකක් හෝ තුනක් ප්රමාණයක් ඒත් එක්කලා වතුර ලීටර එකක් විතර අවශ්ය වෙනවා. මුලින්ම වතුර නහනකොට දුම්කොළ කුඩා කැබලිවලට කඩා ඒකට එකතු කරගන්න. ඊට පස්සේ වතුර වසා පැය 24ක් ඒ කියන්නේ මුළු රැයක් මේක තැම්බෙන්න අරින්න. ඊළඟ දවසේ මේ දුම්කොළ වතුර ටික රෙදි කැබැල්ලකින් හෝ පෙනේරයකින් හොඳින් පෙරාගෙන ස්ප්රේ බෝතලයකට දාගන්න ඕනේ. දැන් පෙරාගැනීම නිසි ලෙස නොකළහොත් ස්ප්රේ බෝතලයේ කිසි සිරවෙන්න ඉඩ තියෙනවා. භාවිතා කිරීමට පෙර සැලකිය යුතු ආරක්ෂිත විධිවිධානපළමුවෙන්ම නිවසේ තියෙන මකුළු දැල් සියල්ල කඩලා ඉවත් කරගන්න ඕනේ. ඉතින් ඊට පස්සේ ඔබ මකුළු දැල් කඩාගන්න ගත්තු හොස්සට මේක මදක් ස්ප්රේ කරගන්න. ඉන්පසුව දෙවන වර ලාබට මකුළු දැල් බැඳෙන ස්ථානවලට ඒ හොස්ස ස්පර්ශ කරන්න. ජනෙල් කවුළු, දොරවල් අසල, කබඩ් පිටුපස සහ නිවසේ අඳුරු මුල්ලු වෙන ස්ථානවලට මෙසේ කිරීමෙන් කෘමීන්ගේ පැමිණීම සම්පූර්ණයෙන්ම පාහේ නතර වෙනවා.
මෙවගින් මකුළු දැල්, මකුළුවන්, කැරපොත්තන් සහ හූනන් ඉවත් වෙන ආකාරය අපි දැන් විද්යාත්මකව බලමු. දුම්කොළ වල තියෙන්නේ නිකොටීන් කියන ඉතාමත් සැර ඇල්කලොයිඩ් සංයෝගයක්. මේක ස්වභාවික කෘමිනාශකයක් විදිහට ක්රියා කරනවා. මකුළුවන්, කැරපොත්තන් වැනි සතුන්ගේ ස්නායු පද්ධතියට නිකොටීන් වැටුණු වහාම ඔවුන්ගේ ස්නායු සංඥා අක්රීය වෙන්න පටන් ගන්නවා. හූනන් සහ මකුළුවන් දුම්කොළ වල තියෙන සැර තිත්ත ගඳට සහ රසයට කදිම්ම අකමැතියි. එම නිසා ඒ ගඳ තියෙන ස්ථානවල ඔවුන් නැවත මකුළු දැල් බඳින්නේ නැහැ වගේම ඒ ප්රදේශය සම්පූර්ණයෙන්ම ඉවත් වෙනවා..
- Get link
- X
- Other Apps

Comments
Post a Comment