දරුවන්ට සැමියට ආදරේ නම් ඔයා කවදත් මේ වැරැද්ද කරන්න එපා.!
- Get link
- X
- Other Apps
එහෙනම් ඉතින් අද අපි කතා කරන්න යන්නේ අපි කවුරුත් අතින් නොදැනුවත්වම සිද්ධ වෙන, හැබැයි මුළු ජීවිත කාලයම විඳවන්න වෙන භයානක පුරුද්දක් ගැනයි.අපි හැමෝගෙම ගෙවල් වල මේක වෙනවා කිව්වොත් හරි.
ව්යංජනයක් උයන්න හදනකොට දවස් දෙකකට කලින් භාවිතයට ගත්තු පොල් බෑව අතට ගන්නවා. පොඩ්ඩක් පුස් කාලා වගේ නේද? සුදු පාටට, අළු පාටට පුස් දැක්කම හිතට දෙගිඩියාවක් එනවා. අපරාදේනේ, ගානත් එක්ක මේක විසි කරන්නේ කොහොමද කියලා හිතලා අපි මොකද කරන්නේ? පිහියෙන් ඒ පුස් ටික සූරලා, හෝදලා ආයෙමත් කෑමට ගන්නවා.
යාලුවනේ, ඔන්න එතන තමයි අපි කරගන්න ලොකුම වැරැද්ද. මේක නිකන්ම අපිරිසිදු කමක් නෙවෙයි. මේක විද්යාත්මකව ඊට වඩා බරපතල කතාවක්. ඇයි කියලත් අද අපි කතා කරමු.
පෙනෙන දේට වඩා නොපෙනෙන දේ භයානකයි: අපි දකින්නේ පුස් වල මතුපිට කොටස විතරයි. මේක හරියට අයිස් කන්දක් වගේ අපිට නොපෙනුනාට, මේ පුස් වල මයිසිලියම් කියන අන්වීක්ෂීය මුල් පොල් මදය අස්සටම රිංගලා ඉවරයි. ඔයා මතුපිට කොච්චර හේතුවත් මේ ඇතුලට ගියපු විෂ සහිත මුල් අයින් කරන්න බැහැ.
ගොඩක් අය හිතන්නේ හොද්දට දාලා නටවද්දී විෂබීජ මැරෙනවා කියලා. බැක්ටීරියා නම් මැරෙයි. ඒත් මේ පුස් වර්ග වලින් හැදෙන ඇෆ්ලටොක්සින් කියන මාරාන්තික විෂ රසායනිකය සෙල්සියස් අංශක 100ට රත් කළත් විනාශ වෙන්නේ නැහැ. සරලවම කිව්වොත් ඔයා හදපු කිරි හොද්දේ රසට, පාටට කිසිම වෙනසක් නැති වුනාට ඒක ඇතුලේ පිළිකා කාරක විෂ තියෙනවා.
කෙලින්ම පහර දෙන්නේ අක්මාවට: මේ විෂ එකපාරටම වමනය, බඩේ අමාරුව හැදෙන්නේ නැහැ. ඒ වෙනුවට මේක silent killer කෙනෙක් වගේ ටික ටික ශරීරගත වෙලා අක්මාවේ සෛල විනාශ කරනවා. දිගුකාලීනව මෙය අක්මා පිළිකා දක්වා වර්ධනය වෙන්න පුළුවන් බව ලෝක සෞඛ්ය සංවිධානය පවා තහවුරු කරලා තිබෙනවා.
කරන්න ඕන දේ මොකක්ද?
පොල් බෑවෙහි පුංචි හරි පුස් පැල්ලමක් දැක්කොත් ලෝභ නොවී සම්පූර්ණයෙන්ම විසි කරන්න.
සත්තුන්ට කන්න දෙන්න එපා. සත්තුන්ටත් මේ පිළිකා අවදානම එහෙම්මමයි.
පොල් බෑයක් ඉතුරු වුනා නම් අනිවාර්යයෙන්ම ශීතකරණයේ දාන්න. එළියේ තියන්න එපා.
රුපියල් 200ක පොල් බෑයක් බේරගන්න ගිහින් ලක්ෂ ගානක් වියදම් වෙන ලෙඩක් ගෙදරට ගේන්න එපා. මේ පණිවිඩය හැමෝම එක්ක බෙදාගන්න. විශේෂයෙන් ගෙදර උයන පියන අයව දැනුවත් කරන්න.
- Get link
- X
- Other Apps

Comments
Post a Comment