"රෑ ජාමෙට වතුර ටිකක් බොන්න කුස්සියට ගිහින් ලයිට් එක දාපු ගමන්, සිංක් එක යටිනුයි, කබඩ් අස්සෙනුයි කැරපොත්තෝ ගොඩ පිටින් එහා මෙහා දුවනවා දකිද්දී ඕනෑම කෙනෙකුට දැනෙන්නේ ලොකු අප්පිරියාවක්. අපේ උදෑසන කෝප්ප කෑම බීලා ඉවරවෙලා කැරපොත්තෝ ඇවිද්දී ඒක පවුලේ හැමෝගෙම සෞඛ්යයටත් ලොකු තර්ජනයක්. මේකට ක්ෂණික විසඳුමක් විදිහට කඩෙන් ගේන කෙමිකල් ස්ප්රේ කුස්සිය පුරාම ගැහුවොත් ඒ වස විස අපේ කෑම වලටත් එකතු වෙන්න තියෙන ඉඩකඩ හරිම වැඩියි.
හැබැයි දරුවන්ගේ ආරක්ෂාවට පොඩ්ඩක්වත් හානියක් නැතුව අපේ කුස්සියේ තියෙන කරාබු නැටි ටිකෙන් මේ කැරපොතු උවදුරට පිළියම් කරන්න පුළුවන් සාර්ථක ක්රමයක් අද මම ඔයාලට කියලා දෙන්නම්.
ඇත්තටම කරාබු නැටි වලට කැරපොත්තෝ මෙච්චර බය ඇයි? අපි බලමු මොකක්ද මේකේ තියෙන විද්යාත්මක ඇත්ත කියලා. කරාබු නැටි දැම්මා කියලා කැරපොත්තෝ මැරෙන්නේ නැහැ. හැබැයි මේක ස්වභාවිකවම කෘමීන් පලවා හරින ලෝකයේ තියෙන ප්රබලම විකර්ෂකයක්. කැරපොත්තන්ගේ සංවේදන පද්ධතිය හරිම සංවේදීයි. කරාබු නැටි වල තියෙන යුජිනෝල් කියන රසායනික සංයෝගයේ සැර සුවඳ කැරපොත්තන්ට පොඩ්ඩක්වත් දරාගන්න බැහැ. ඉතින් මේ සුවඳ තියෙන පැත්තකටවත් උන් ඇතුළු වෙන්නෙත් නැහැ. ඉන්න උනොත් එතනින් පැනලා යනවා.
දැන් අපි බලමු වස විස නැතුව කැරපොත්තන්ව එලවාගන්න මේ ස්ප්රේ එක හදාගන්නේ කොහොමද කියලා. මේකට අපිට ඕන කරන්නේ කරාබු නැටි 20ක් 30ක් සහ වතුර කෝප්ප දෙකක් විතරයි. මුලින්ම කරාබු නැටි ටික වංගෙඩියකට දාලා යන්තම් තලාගන්න. හැබැයි කුඩු කරගන්න එපා.
ඊටපස්සේ භාජනයකට වතුර කෝප්ප දෙකක් එක්ක තලාගත්ත කරාබු නැටි ටික දාලා හොඳට තම්බගන්න. වතුර කෝප්ප දෙක හිඳිලා එක කෝප්පයක් වෙනකන් සහ වතුර එක තද දුඹුරු පාට වෙනකන් තම්බලා ලිපෙන් බාගන්න.
ඊළඟට මේ සාරය හොඳින් නිවුණාට පස්සේ පෙරාගෙන ස්ප්රේ බෝතලයකට පුරවාගන්න. කෑම කබඩ් අස්සට, සිංක් එක යටට, කුණු කූඩය අස්සට සහ කුස්සියේ කැරපොත්තෝ ගැවසෙන අඳුරු මුළු වලට මේ වතුර ටික හොඳින් ස්ප්රේ කරන්න. විශේෂ වාසියක් විදිහට අර පෙරාපු කරාබු නැටි රොඩු ටික විසි කරන්නේ නැතුව පුංචි රෙදි කැබලි වලට දාලා පොට්ලි වගේ ගැට ගහලා කබඩ් අස්සේ මුළු වල තියන්න.
මාස ගණනාවක් යනකන් මේ සුවඳට කැරපොත්තෙක්වත් ඒ අස්සලටවත් එන්නේ නැහැ.
සතියට දෙපාරක් මේ ස්ප්රේ එක පාවිච්චි කරද්දී කුස්සියට නැවුම් සුවඳක් වගේම කැරපොත්තන්ගෙන් තොර පිරිසිදු බවක් ලබාගන්න පුළුවන්
Comments
Post a Comment