ලංකාවේ රුපියල් 1000ක් වත් වටින්නේ නැති ලොව භ,යානකම Casio ඔරලෝසුවේ සැගවුණු රහස
- Get link
- X
- Other Apps
ඔයාලා පාසල් යන කාලේ නැත්නම් අදටත් ඔයාලගේ මැණික් කටුවේ කළු පාට රබර් පටියක් තියෙන මේ වගේ පුංචි හතරැස් හැඩේ සරල කැසියෝ ඔරලෝසුවක් බැඳලා තියෙනවද? නැත්නම් ඔයාලගේ තාත්තා, අයියා හරි, යාළුවෙක් හරි මේ ඔරලෝසුව පාවිච්චි කරනවා දැකලා තියෙනවද? ඇත්තටම ලංකාවේ පාරක බැහැලා ගියොත් අදටත් 10 දෙනෙක්ගෙන් එක්කෙනෙක්ගේ අතේ මේ ඔරලෝසුව අනිවාර්යයෙන්ම දකින්න ලැබෙනවා.
අපිට වටිනා ඔරලෝසුවක් කිව්ව ගමන් මතක් වෙන්නේ රන්, රිදී වලින් දිලිසෙන ලක්ෂ ගණන් වටිනා රොලෙක්ස් හරි පැටික් පිලිප් වැනි සුඛෝපභෝගී සන්නාමයි. හැබැයි ලෝක ඉතිහාසයේ වැඩිම අලවියක් තැබූ ඒ වගේම ලෝකයේ භයානකම ඔරලෝසුව විදිහට හඳුන්වන ඔරලෝසුව මොකක්ද කියලා ඔයාලා දන්නවද? ඔව්. ඒ වෙන මොකක්වත් නෙවෙයි මේ පුංචි කැසියෝ F91W ඩිජිටල් ඔරලෝසුවයි.
අද අපි කතා කරන්න යන්නේ හැමෝම දන්න ඒත් කාටත් රහසක් වූ මේ පුංචි ඔරලෝසුවේ ඇදහිය නොහැකි අපූරු කතාව ගැනයි. මේ කතාව හරියටම තේරුම් ගන්න නම් අපි ටිකක් අතීතයට යන්න ඕනේ. 1960 දශකයේ වෙනකම් මුළු ලෝකෙම ඔරලෝසු හැදීමේ රජවරු වුණේ ස්විස්ටර්ලන්ත ජාතිකයෝ. ඒ අය හදපු ඔරලෝසු හරිම සංකීර්ණයි. ඒ වගේම මිලෙන් අධිකයි. හැබැයි පුදුමේ කියන්නේ ඒ තරම් ගණන් වුණත් වෙලාව පෙන්නද්දී මේවයේ පොඩි පොඩි දෝෂ තිබුණා. ඔන්න ඔය අතරේ 1969දී ජපානයේ සෙයිකෝ සමාගම ලෝකෙම උඩු යටිකුරු කරපු සොයා ගැනීමක් කළා. ඒ තමයි ලෝක ප්රථම quartz ඔරලෝසු හඳුන්වා දීම. මේ ඔරලෝසු වැඩ කළේ පුංචි බැටරියකින් සහ quartz කියන ස්ඵටිකයක් ආධාරයෙන්.
මේ නිසා වෙලාව අතිශය නිවැරදි වුණා වගේම මේවා හදන්න ගිය වියදම සෑහෙන්න අඩු වුණා. මුලදී මේ ස්විස් වැසියන් ඕවා මොන ඔරලෝසුද කියලා මදි පුංචි කළත් අවසානයේ මුළු ලෝක වෙළෙඳපොළම අල්ල ගත්තේ ජපන්නයයි. හැබැයි තවත් පුදුම වැඩක් තියෙනවා. මේ කියන කාලේ කැසියෝ කියන්නේ ඔරලෝසු හදන සමාගමක් නෙවෙයි. 1946දී තඩාඕ කාසියෝ කියන මහත්මයා මේ සමාගම පටන් ගත්තේ ඉලෙක්ට්රොනික කැල්කියුලේටර් හදන්න. ඒ කාලේ කැල්කියුලේටර් ලෝකේ කැසියෝ කියන්නේ සුපිරිම බ්රෑන්ඩ් එකක්. නමුත් කාලයත් එක්ක කැසියෝ සමාගම තේරුම් ගත්තා ඔරලෝසුවක් කියන්නෙත් තවත් එක ඉලෙක්ට්රොනික උපකරණයක් විතරයි කියලා.
ඒ අනුව 1974දී ඔවුන් කැසියෝට්රෝන් නමින් තමන්ගේ පළමු ඔරලෝසුව හැදුවා. ඊටපස්සේ 1980 ගණන් වලදී ඔවුන් එක එක ජාතියේ ඔරලෝසු හැදුවා. කැල්කියුලේටර් තියෙන ඔරලෝසු, වීඩියෝ ගේම් ගහන්න පුළුවන් ඔරලෝසු, උෂ්ණත්වය මනින්න පුළුවන් ඔරලෝසු, ඔය වගේ එක එක සෙල්ලම් දාලා බැලුවා. හැබැයි අවසානයේ කැසියෝ සමාගම එක ලොකු ඇත්තක් තේරුම් ගත්තා. ඒ තමයි ලෝකේ බහුතරයක් සාමාන්ය මිනිස්සුන්ට අවශ්ය වෙන්නේ සරල ඕනෑම කටුක පරිසරයකට ඔරොත්තු දෙන ශක්තිමත් සහ ලාභදායි ඔරලෝසුවක් විතරයි කියන එක.
අන්න ඒ සරල චින්තනයේ ප්රතිඵලයක් විදිහට තමයි 1989දී ලෝක ප්රසිද්ධ කැසියෝ F91W ඔරලෝසුව උපත ලබන්නේ. මේ ඔරලෝසුවේ කිසිම අනවශ්ය අලංකාරයක් හෝ අංගයක් තිබුණේ නැහැ. ඉතාම සරල ඩිස්ප්ලේ එකක් බොත්තම් තුනක් තමයි තිබුණේ. ඒ වගේම මේකේ බැටරිය අවුරුදු හතක් පුරා පවතිනවා. මේකේ තියෙන module 593 quartz යන්ත්රණය නිසා මාසෙකටම වෙනස් වෙන්නේ තත්පර 30ක් වගේ සුළු කාලයක් විතරයි. ඒ කියන්නේ වෙලාව අතිශය නිවැරදියි. තවත් දෙයක් මේ ඔරලෝසුවේ බර ග්රෑම් 21ක් වගේ ඉතාම සැහැල්ලුයි. ඒ වගේම මීටර් 30ක් වෙනකම් වතුරටත් ඔරොත්තු දෙනවා.
ඉතින් මේ නිසාම පාසල් යන පුංචි දරුවාගේ ඉඳලා ලෝක ප්රසිද්ධ කෝටිපති ව්යාපාරිකයා වෙනකම් හැමෝම මේ ඔරලෝසුවට ආදරය කරන්න පටන් ගත්තා. ඔයාලා දන්නවද අදටත් අවුරුද්දකට මේ වගේ ඔරලෝසු මිලියන තුනක් විතර ලෝක පුරා අලෙවි වෙනවා. හැබැයි මේ පුදුමාකාර ජනප්රියත්වයට හිතාගන්න බැරි අඳුරු පැත්තකුත් තියෙනවා. ඒකයි අපි මේකට ලෝකේ භයානකම ඔරලෝසුව කියන්නේ. 2000 දශකයේ මුල් කාලයේදී අල්.ක .යිඩා වැනි ජාත්යන්තර ත්ර,ස්.තවාදී සංවිධානය මේ ඔරලෝසුව බෝම්බ පුපුරවන හයිවරයක් විදිහට භාවිත කරන්න පටන් ගත්තා. ඇයි ඔවුන් මේකම තෝරා ගත්තේ? මොකද මේ ඔරලෝසුව ඕනෑම රටක ඕනෑම කඩේකින් ඉතාම ලාභයට ගන්න පුළුවන්. ඒ වගේම මේකේ circuit board එක ඉතාම විශ්වාසවන්තයි. ත්රස්තවාදීන් කළේ මේ ඔරලෝසුවේ circuit එක 9V බැටරියකට සම්බන්ධ කරලා ඉතාම ප්රබල බෝ, ම්, බ නිපදවන එකයි. ලෝක ප්රකට ත්රස්තවාදී නායකයෙක් වුණු ඔ, සාමා බින් ලාඩන් පවා නිතරම පැළඳ සිටියේ මේ කැසියෝ F91W ඔරලෝසුවයි.
මේ නිසාම ඇමරිකානු බුද්ධි අංශ විසින් යම් පුද්ගලයෙක් මේ ඔරලෝසු පැළඳ සිටීම ත්ර, ස්, තවාදීකූ විය හැකි ලක්ෂණයක් විදිහට පවා එක කාලෙක නම් කරලා තිබුණා. ත්රස්තවාදීන් විතරක් නෙවෙයි ලෝකයේ ඉන්න දරුණුම සහ දක්ෂම හමුදා බලකායන් පවා අදටත් මේ ඔරලෝසුව පාවිච්චි කරනවා. මොකද අද කාලේ තියෙන නවීන smart watches වලින් කෙනෙක් ඉන්න තැන ලේසියෙන්ම හොයාගන්න පුළුවන් වුණත් මේ පුංචි කැසියෝ F91W එකෙන් කිසිදු සංඥාවක් පිට වෙන්නේ නැහැ.
ඒ නිසා යුද භූමියේදී සොල්දාදුවෙකුට මේක මහා හයියක්. අනෙක් පැත්තෙන් බැලුවොත් ඇමරිකාවේ හිටපු ජනාධිපති බැරැක් ඔබාමා, Microsoft නිර්මාතෘ බිල් ගේට්ස් වැනි ලෝක ප්රසිද්ධ බිලියනපතියන් පවා තමන්ගේ ජීවිතයේ එක කාලෙක මේ ඔරලෝසුව පැළඳ සිටියා. ඔවුන් ඒකෙන් ලෝකෙට දුන්නේ අපූරු පණිවිඩයක්.
මට රොලෙක්ස් එකක් ගන්න සල්ලි තිබුණත් මට අවශ්ය වෙලාව බලන්න විතරයි. මේක සැබවින්ම සෝභනය, ආඩම්බරය අභිබවා ගිය ප්රායෝගිකත්වය සංකේතයක්. අද කාලේ අපි රුපියල් ලක්ෂ ගණන් දීලා ගන්න Apple watch එකක්, Samsung watch එකක් අවුරුදු දෙක තුනක් යද්දී පරණ වෙනවා. හැම තිස්සේම update ඉල්ලමින් බද දෙනවා. බැටරි බහිනවා. හැබැයි 1989 දී තිබ්බ ඒ සරල Casio F91W ඔරලෝසුවම අදටත් කිසිම වෙනසක් නැතුව අපිට කඩෙන් ගන්න පුළුවන්. Casio සමාගම මෙහි මෝස්තරය කවදාවත් වෙනස් කළේ නැහැ. මොකද ලෝකයේ ප්රසිද්ධ නිර්මාණ නීතියක් තියෙනවා.
නිර්මාණයක් සම්පූර්ණ වෙන්නේ ඒකට තව යමක් එකතු කරන්න දෙයක් නැති වුනාම නෙවෙයි. ඒකෙන් තවත් කිසිම දෙයක් අයින් කරන්න බැරි තරමටම සරල වුනාමයි කියලා. අන්න ඒ නීතිය මේ ඔරලෝසුවට උපරිමෙන්ම ගැළපෙනවා. ඔයාලගේ ළඟත් මේ වගේ Casio ඔරලෝසුවක් කවදාහරි තිබුණා නම් ඒ සුන්දර මතකය පහලින් comment එකක් දාගෙන යන්න.
- Get link
- X
- Other Apps

Comments
Post a Comment