එක පාරටම සිතියමෙනුත් අතුරුදහන් වුණ කඩසාප්පු 150ක ජනාකීර්ණ ටවුම ගැන දන්නවාද? සම්පූර්ණ කතාව කියවලාම බලන්නකෝ...
- Get link
- X
- Other Apps
අප දන්නා කියන ඕනෑම පුංචි ගම්මානයක් කාලයක් යද්දී දියුණු වී, ජනාකීර්ණ නගර බවට පත්වීම සාමාන්ය දෙයකි.
නමුත් කෑගල්ල දිස්ත්රික්කයේ දොළොස්බාගේ කඳුකර බෑවුමේ පිහිටි "දේදුගල" කියන්නේ ඒ සාමාන්ය ධර්මතාවයට මුළුමනින්ම පිටුපාපු, අතීතයේ දියුණුවටම තිබිලා අද ලංකා සිතියමෙන්ම මැකී යමින් පවතින නගරයක්.
1970 දශකය වන විටත් ඉතාමත් ජනාකීර්ණව පැවැති මෙම නගරයේ එකල කඩසාප්පු 150කට ආසන්න ප්රමාණයක් තිබූ බව වැඩිහිටියෝ කියනවා. ඒ අතර රෙදි වෙළෙඳසල්, බාබර් සාප්පු, සිල්ලර බඩු කඩ මෙන්ම රාත්රී කඩද තිබිලා තියෙනවා. අතීතයේදී දේදුගල සිට කොළඹ දක්වා දිනපතා බස් රථ පවා ධාවනය වී ඇති අතර, විවිධ පළාත්වලින් පැමිණි විශාල පිරිසක් එහි සේවය කරලා තියෙනවා.
සියල්ල උඩුයටිකුරු වූයේ හැත්තෑව දශකයේදීය. පැලම්පිටියට අලුතින් පාර හදන විට දේදුගල ප්රධාන ටවුම මඟහැර පාර ඉදිවීමත් සමඟම, මේ සිරියෙන් පිරුණු නගරයේ අලුත් ගමන නතර වෙලා තියෙනවා.
අද වන විට පැලම්පිටිය පාර දිගේ ගොස් දේදුගල දී දකුණට ඇති 1960 දශකයේ ඉදිවූ පැරණි මාර්ගයේ මඳ දුරක් යනවිට මෙම පාළු නගරය (131 සී දේදුගල ග්රාම සේවා වසම) හමු වෙනවා.
ඉංග්රීසි පාලන සමයේ සිට පැවැති පැරණි ගොඩනැඟිලි අද අත්හැර දමා දිරාපත් වෙමින් පවතිනවා.... තාර පතුරු ගැලවී ගිය පාරවල් වටා තණකොළ හා කැළෑ වැවී අඳුරු ගුප්ත ස්වභාවයක් ගෙන තියෙනවා.
දේදුගලින් පසු වාහන ගමන් කළ හැකි පාර නිමවන අතර, ඉන් ඔබ්බට ඇත්තේ ගම්මාන වෙත වැටී ඇති අඩිපාරවල් පමණි.
දිනෙන් දින නගර දියුණු වන ලෝකයක, අතීතයේ සෙනඟගෙන් පිරී ඉතිරී ගිය නගරයක් අද කිසිදු වාහනයක් හෝ ජනතාවක් නොමැතිව, එකම එක උප තැපැල් කන්තෝරුවකට පමණක් සීමා වී පාළුවට ගොස් තිබීම සැබවින්ම කනගාටුදායක කරුණක්.
උපුටා ගැනීමක්..
- Get link
- X
- Other Apps

Comments
Post a Comment