අපට පාරේ ගමන් කරන විට බොහෝ මිනිසුන් මුණ ගැසෙනවා. ඒ ඒ මිනිසුන් හට ඔවුන්ටම ආවේණික වූ කතාවක් තිබෙනවා. එය දුක්බර හෝ සතුටුදායක විය හැකියි. සමහර විට ඔවුන් සිනහවකින් දුක සඟවාගෙන සිටිනවාද විය හැකියි. නමුත් මෙම මිනිසාගේ දුක්බර දෛවය එක කොළ කැබැල්ලකින් වෙනස් වූ සැටි සැබැවින්ම පුදුමාකාරයි.
ඔහු නමින් රයිමන්ඩෝ අරුඩෝ සොබින් හෝ වනවා. තමන්ගේම කියා කිසිවක් නැති ඔහු ජීවත් වන්නේ බ්රසීලයේ සාඕ පාවුලෝ නගරයේ වීදියකය. සෑමදාම වීදියේ එක ස්ථානයකට වී සිටිනා මෙම මිනිසා ලෙස බොහෝ දෙනා බලාගෙන ගියත්, ෂෙල්ලා මොන්ටේරියෝ නම් කාන්තාවට මොහු හා දිනක් කතා කිරීමට සිතුනා.
ඒදී ඔහු ඇය හා පවසා සිටියේ ඉතා දුක්බර කතාවකි. වසර 35ක් තිස්සේ වීදියේ වී කවි ලියමින් ඔහු තම ජීවිතය ගත කර තිබෙනවා.තමන්ගේ නිර්මාණ බෙදා ගැනීමට කිසිවෙක් නොමැති හෙයින් ඔහු තනිවම ඒවා අගය කරමින් සිට ඇතැයි පෙනෙනවා. මේ ඇසූ ෂෙල්ලා හට ඔහුට උදව් කිරීමට අවශ්ය බව දැනුනා. නමුත් ඒ කළ යුත්තේ කෙසේදැයි කියා ඇයට වැටහීමක් තිබුනේ නැහැ.
අවසානයේ ඇය රයිමන්ඩෝගේ හැකියාව අන් අයට පෙන්වීමේ අරමුණින් ෆේස්බුක් හි පිටුවක් සාදා ඔහුගේ තොරතුරු සහ කවි එහි පළ කළා. මේ නිසා රයිමන්ඩෝ හට අවසානයේ ලැබුනේ කිසිවෙකුත් බලාපොරොත්තු නොවූ දෙයක්.
එනම් වසර 50කින් හමුවූ ඔහුගේ සහෝදරයා ඔහු සොයා ආවා. අවසානයේ ෂෙල්ලාගේ මෙම ක්රියාව නිසා රයිමන්ඩෝගේ මුළු දිවියම ආලෝකමත් වුණා. ඔහුට තම පවුල නැවත හමුවුණා. එසේම හොඳින් සෝදා පිරිසිදු වී රැවුල සහ බොන්ඩේ කැපූ පසු ඔහුත් වැදගත් මහත්මයෙකු සේ පෙනෙන්නටත් වුණා.
Comments
Post a Comment