අඩි දහස් ගාණක් උඩ අහසේ ගමන් කරමින් තිබුණු මගී ගුවන් යානයක් ඇතුළේ සිද්ධ වුණු, හොලිවුඩ් චිත්රපටයක දර්ශනයක් වගේ හිතාගන්නවත් බැරි විදියේ අතිශය භයානක සිදුවීමක් ගැන මේ වෙද්දී ජාත්යන්තර මාධ්ය හරහා ලොකු කතාබහක් ඇතිවෙලා තියෙනවා.
මේ ත්රාසජනක සිදුවීම වාර්තා වෙන්නේ ඩුබායි (Dubai) ඉඳලා ඊශ්රායලයේ ටෙල් අවීව් බලා පියාසර කරමින් තිබුණු ගුවන් යානයකින්.
විදෙස් මාධ්ය වාර්තා කරන විදියට, අහස මැදදී යානයේ නියමු කුටිය ඇතුළේ නියමුවන් දෙදෙනා අතර එකපාරටම ලොකු ගැටුමක් ඇතිවෙලා තියෙනවා. මේ ආරවුල කොයිතරම් දුරදිග ගියාද කියනවා නම්, යානය පාලනය කරමින් හිටපු එක නියමුවෙක් අනිත් නියමුවාට පිහියකින් ඇනලා තියෙනවා! නියමු කුටිය ඇතුළේ ලේ පෙරාගෙන පයිලට්ලා දෙන්නා මරාගනිද්දී, ප්ලේන් එකේ පාලනය ගිලිහී ගොස් තමන්ගේ ජීවිතේ ඊළඟ තත්පරයේදී අවසන් වෙයි කියලා හිතපු මගීන්ට නම් මේ වෙලාවේ හොඳටම තරු පෙනිලයි ඉඳලා තියෙන්නේ.
හැබැයි යානය කඩාගෙන වැටෙන්න ගිය මේ භයානක මොහොතේ ධෛර්යවත් මගීන් පිරිසක් වහාම ක්රියාත්මක වෙලා තියෙනවා. ජීවිතයත් මරණයත් අතර සටනක හිටපු මගීන් නියමු කුටියට කඩාපැනලා, පිහි ප්රහාරය එල්ල කරපු නියමුවාව පාලනය කරගෙන ඔහුව නියමු කුටියෙන් එළියට ඇදලා දාන්න කටයුතු කරලා තියෙනවා.
මගීන්ගේ වාසනාවකට මේ යානයේ පිටුපස අසුන්වල සාමාන්ය මගීන් විදියට ගමන් කරමින් හිටපු තවත් අතිරේක නියමුවන් දෙදෙනෙක් ඉඳලා තියෙනවා. ඔවුන් වහාම ඉදිරියට ඇවිත් ලේ විලක් වෙලා තිබුණු නියමු කුටියට ඇතුළු වී යානයේ පාලනය තමන්ගේ අතට අරගෙන තියෙනවා. ඉන්පසුව ආරක්ෂිතව වෙනත් ගුවන් තොටුපළකට යානය හරවා යවා සියලුම මගීන්ගේ ජීවිත බේරාගන්න ඔවුන් සමත් වෙලා තියෙනවා.
අහස මැදදී නියමුවෙකුට මෙලෙස පිහියකින් අනින්න තරම් කේන්ති යන්න ඇත්තම හේතුව මොකක්ද කියන එක තවමත් අභිරහසක්. මේ ගැන පුළුල් පරීක්ෂණයක් මේ වෙද්දීත් ක්රියාත්මකයි.
Comments
Post a Comment