වැසි කාලගුණ තත්වය නිසා ඔබේ සහ ඔබේ පවුලේ අයගේ ආරක්ෂාව ගැන සැලකිලිමත් වීම ඉතාමත් වැදගත්. අකුණු අනතුරු වලින් බේරිලා ඉන්න අපි දැනගෙන ඉන්න ඕනේ වැදගත්ම කරුණු ටිකක් සහ ගොඩක් අයට තියෙන සැකයන් කීපයකට ඇත්තම උත්තර තමයි මම අද කියන්න යන්නේ
ගොඩක් අය කරන්නේ අකුණු ගහනකොට අහස ගොරවන සද්දේ ඇහෙනකම් බලන් ඉන්න එක. හැබැයි ආලෝකය ගමන් කරන්නේ ශබ්දයට වඩා ගොඩාක් වේගයෙන්. ඒ නිසා අකුණු පාරක් එළියක් දැක්ක ගමන්ම සද්ද ඇහෙනකම් බලන් ඉන්න නැතුව ඉක්මනටම ගෙයක් ඇතුලට හරි සම්පූර්ණයෙන්ම වහපු වාහනයක් ඇතුලට හරි යන්න. නමුත් ඔබට ආරක්ෂිත ගොඩනැගිල්ලකට යාමට නොහැකි නම් තනිව පීටි උස ගස්, විදුලි කණු හෝ ලෝහමය වැටවල් අසල ඉන්න එපා.
ඒ වගේම විවෘත බිම් වල ඒ කියන්නේ පිට්ටනියක් වගේ තැනක හෝ උසින් වැඩි ස්ථාන වල සිටීමෙන්ද වළකින්න. ඔබ විවෘත ස්ථානයක ඉන්නවා නම් කිසිම වෙලාවක බිම දිගා වෙන්න එපා. තමන්ගේ කකුල් දෙක එකට එකතු කරලා දණහිස් මත හිස තබාගෙන පහත් වෙලා ඉන්න. එමගින් ශරීරය මතට අකුණු වැදීමේ අවදානම අවම වෙනවා. අකුණු ගහන වෙලාවට ප්ලග් කරලා තියෙන TV, කම්පියුටර් වගේ දේවල් අල්ලන්න යන්නත් එපා. හැකි ඉක්මනින්ම ඒ සියළුම විදුලි උපකරණ unplag කරන්න.
ඒ වගේම වතුර හරහා කරන්ට් එක ලේසියෙන් බහින නිසා අකුණු වෙලාවට නාන්න යන එක, පිහිනන එක වගේම ගෙදර තුළ වතුර භාවිතය පවා පොඩ්ඩක් පස්සට දාන්න. එහෙනම් දැන් අපි බලමු ගොඩක් අයට තියෙන ප්රශ්නයක් ගැන. ෆෝන් එකක් පාවිච්චි කළොත් අකුණු වදිනවද? ගොඩක් අය හිතන්නේ අතේ ෆෝන් එකක් තිබුනාම අකුණු වැදිලා ගන්නවා කියලා.
හැබැයි ඒක සම්පූර්ණ මිත්යාවක්. නිකන්ම ෆෝන් එක පාවිච්චි කළාට අකුණු වදින්නේ නැහැ. හැබැයි ෆෝන් එක චාර්ජ් වෙන ගමන් පාවිච්චි කරන එක නම් හරිම අනතුරුදායකයි. ඒ වගේම තමයි කෝඩ් තියෙන ලෑන්ඩ්ලයින් ෆෝන් එකත් අකුණු වෙලාවට ගලවලා තියන්න ඕනේ. එතකොට අපි ඇඳ උඩ නිදාගෙන ඉන්නකොට අකුණු වදින්න පුළුවන්ද? බය වෙන්න දෙයක් නැහැ ගෙදර ඇතුලේ ඇඳ උඩ ඉන්නකොට කෙලින්ම අකුණු වදින්න තියෙන ඉඩකඩ ගොඩාක්ම අඩුයි.
හැබැයි පුංචි දේවල් ටිකක් ගැන සැලකිලිමත් වෙන්න ඕනේ. පළවෙනිම දේ තමයි ඇඳ ගෙදර පිටත බිත්තියකට හරි විදුලි සොකට් එකකට හරි ගොඩාක් හේත්තු කරලා තියන්න එපා. ඊට අමතරව යකඩ ඇඳන් විදුලි ප්ලග් ආසන්නයේ තියෙනවා නම් ඒ ගැනත් පොඩ්ඩක් පරිස්සම් වෙන්න. වැදගත්ම දේ තමයි ඔබ රෑට නිදාගන්න යද්දී ඔබේ ෆෝන් එක චාර්ජ් එකට ගහලා ඇඳලාව තියාගෙන නිදාගන්න එපා. මොකද ඔබ නිදාගෙන ඉන්න වෙලාවට අකුණුත් ගැහුවොත් දුරකථනයේ කේබල් එක හරහා අකුණක් වැදීමේ අවදානමක් තියෙනවා.
Comments
Post a Comment