ජීවිතේ අලුත්ම කියලා බලාපොරොත්තු කොච්චර නම් තියෙන්න ඇතිද? ඒත් එකම එක මොහොතක නොසැලකිල්ලක් නිසා ඒ හැම හීනයක්ම සදාකාලයටම මහ පාරේ තැන්පත් වුණු අවාසනාවන්ත පුවතක් ගම්පහ පැත්තෙන් වාර්තා වෙනවා
අද (09) උදෑසන 7.00ට විතර තමන්ගේ රැකියා ස්ථානය කරා යතුරුපැදියෙන් යමින් සිටි අලුත බැඳපු තරුණ අඹුසැමි යුවළක් ඉතා අවාසනාවන්ත ලෙස රිය අනතුරකින් මෙලොවින් සමුගෙන තිබෙනවා.
මෙසේ අවාසනාවන්ත ලෙස ජීවිතක්ෂයට පත්ව ඇත්තේ 26 වැනි වියෙහි පසු වූ ගිහාන් යන්දිල් රාජපක්ෂ සහ ඔහුගේ බිරිය වූ 21 වැනි වියේ පසු වූ නදීසා තේජායි.
ඔවුන් දෙදෙනා යතුරුපැදියෙන් ගම්පහ දෙසට ගමන් කරමින් සිටියදී, ගම්පහ දෙස සිට කිරිඳිවැල දෙසට ධාවනය වූ ලංගම බස් රථයක ගැටීමෙන් මෙම අනතුර සිදුව තිබෙනවා.
මීට මාස 10කට පෙර ජීවිත කාලයම එකට ගත කරන්න බලාපොරොත්තුවෙන් අත්වැල් බැඳගත් මේ දෙදෙනා, එකම වහලක් යට එකට හීන දකිමින්, පුංචි පුංචි රණ්ඩු වෙලා ආයෙත් ආදරෙන් ළං වෙමින් ඉදිරියට පුංචි පවුලක් හදාගන්න කොච්චර නම් හීන දකින්න ඇත්ද?
ඒත් අධික වේගය, අනවශ්ය ඉස්සර කිරීම සහ මොහොතක නොසැලකිල්ල හමුවේ ඒ සියලු හීන එක සැණින් අළු වී ගියා. අනතුර සම්බන්ධයෙන් බස් රථයේ රියදුරු අත්අඩංගුවට ගෙන ඇති අතර, පොලීසිය වැඩිදුර පරීක්ෂණ පවත්වනු ලබනවා...
Comments
Post a Comment